وزیراعظم عمران خان دی وزارت صنعت تے پیداوار کوں سٹیل مل دی بحالی سانگے کوششاں تکھے کرنڑ دی ہدایت

APP66-05 ISLAMABAD: August 05 - Prime Minister Imran Khan chairs a meeting regarding Pakistan Steel Mills at PM Office. APP

اسلام آباد ۔ 5 اگست (اے پی پی)وزیراعظم عمران خان دی وزارت صنعت تے پیداوار کوں سٹیل مل دی بحالی سانگے کوششاں تکھے کرنڑ دی ہدایت کیتی ہے۔وزیراعظم آکھیے جوسٹیل مل کوں نقصان کوں بچاونڑ اتے ایندی بحالی حکومت دی اولین ترجیح ہے۔ انہاں ایہ گالھ پاکستان سٹیل مل دی بحالی بارے پیشرفت دے جائزہ اجلاس دی صدارت کریندے ہوئیں آکھی۔ اجلاس اچ مشیر تجارت عبدالرزاق داود، مشیر خزانہ عبدالحفیظ شیخ، سیکرٹری وزارت صنعت تے پیداوار، سیکرٹری نجکاری ڈویژن تے بئے افسراں شرکت کیتی۔ وزیراعظم کوں سٹیل ملز دی موجودہ صورتحال، مل بند ہونڑ دی وجہ نال تھیونڑ آلے نقصانات، سٹیل مل دی بحالی پاروں موجودہ حکومت ولوں کیتے گئے فیصلیاں تے ہنڑ تئیں دی پیشرفت بارے تفصیلی بریفنگ ڈتی گی۔ وزیراعظم کو ں ڈسایا گیا جو سٹیل مل 2008ءتئیں منافع آلا ادارہ ہا ،جیرھا جو 2009ءاچ نقصانات دا شکار تھیا اتے جون 2015ءاچ سٹیل مل کو ں مکمل طور تے بند کر ڈتا گیا۔ ادارہ مسلسل خسارے داشکار رہے۔ صرف ملازماں دی تنخواہیں دی ڈیونڑ سانگے حکومت مہینے اچ37کروڑ روپر دابرداشت کر یندی پی ہے۔ وزیراعظم کو ں ڈسایا گیا جو ہنڑ تئیں سٹیل مل دے ذمہ بقایا217 ارب تئیں پج گئے۔ وزیراعظم آکھیا جوسٹیل مل کوں نقصانات توں بچاونڑ اتے ایندی بحالی حکومت دی پہلی ترجیح ہے۔ انہاں آکھیا جو ہک منافع آلے ادارے دی تباہی ماضی دی بدانتظامی اتے غفلت دی مثال ہے۔ وزیراعظم وزارت صنعت تے پیداوار کوں ہدایت کیتی جو سٹیل مل دی بحالی سانگے کوششاں تکھے کیتیاں ونجنڑ ۔

مضمون کا ماخذ : جادوئی اسپن

متعلقہ مضامین