گلوبل ڈویلپمنٹ انیشیٹو دے گروپ آف فرینڈز دا نیویارک اچ وزارتی اجلاس،بلاول بھٹو زرداری دی شرکت

نیویارک۔21ستمبر (اے پی پی):چین دے سٹیٹ کونسلر اتے وزیر خارجہ وانگ یی دی دعوت تے وزیر خارجہ بلاول بھٹو زرداری گروپ آف فرینڈز آف دی گلوبل ڈویلپمنٹ انیشیٹو (جی ڈی آئی) دے وزارتی اجلاس اچ شرکت کیتی ۔ دفتر خارجہ موجب جی ڈی آئی دی تجویز چینی صدر شی جن پنگ 20 ستمبر 2022 کوں ݙتی ہئی ۔ پاکستان 50 توں ودھ ملکاں تے مشتمل “گروپ آف فرینڈز” اچ شامل اے جیں دا قیام جی ڈی آئی دے مقاصد کوں ودھارا ݙیوݨ کیتے عمل اچ گھن آیا ڳیا ہئی ، ایں موقع تے وزیر خارجہ بلاول بھٹو زرداری آکھیے جو چین دے بیلٹ اینڈ روڈ انیشیٹو اچ چین پاکستان اقتصادی راہداری ھک اہم منصوبہ اے۔ انہاں آکھیے جو پاکستان 29 ارب ڈالر دے ٹرانسپورٹ اتے توانائی دے منصوبیں تے عمل درآمد کیتے جیں توں پاکستان دی ترقی اچ ودھارا تھئے ۔ وزیر خارجہ آکھیے جو پاکستان ٹھوس اتے وسیع اقتصادی تعاون کوں ودھارا ݙیوݨ تے پائیدار ترقی دے اہداف دے نفاذ تے امن تے خوشحالی دے مشترکہ مستقبل کیتے ساݙی اجتماعی خواہش کوں پورا کرݨ کیتے چین اتے گروپ آف فرینڈز دے ٻئے ارکان نال رل تے کم کرݨ دا منتظر اے۔

مضمون کا ماخذ : شمال کے ڈریگن

متعلقہ مضامین