فيصل آباد – 20 جنوري (اي پي پي) وزيراعظم شاهد خاقان عباسي چيو آهي ته حڪومت صنعتڪارن، واپارين، ڪاروباري ماڻهن، درآمد ڪندڙن ۽ شهرين کي اعليٰ معيار جون سموريون سهولتون فراهم ڪرڻ جي لاءِ هر وقت ڪوششون ڪري رهي آهي. هو فيصل آباد انٽرنيشنل ايئرپورٽ جي ڏيڍ ارب رپين جي لاڳت سان مڪمل ڪيل عالمي ٽرمينل جي افتتاحي تقريب کي خطاب ڪري رهيو هو جنهن سان ايئرپورٽ جي عمارت جو اڏاوتي علائقو 36 هزار مان وڌي 73 هزار مربع فوٽ ٿي ويو آهي.