ممنوعہ فنڈنگ کیس تے قانون دے مطابق کارروائی تھیسی ،وزیراعظم دے معاون خصوصی عطاتارڑ دی پریس کانفرنس

اسلام آباد۔17اگست (اے پی پی):وزیراعظم دے معاون خصوصی عطاتارڑ آکھیے جو نااہلاں نالائقاں دا ٹولہ ملک اچ انتشارکھنڈاوݨ چاہندے ، ممنوعہ فنڈنگ کیس تے قانون دے مطابق کارروائی تھیسی ، فوادچوہدری دی شہباز گل متعلق پریس کانفرنس تضادات دا مجموعی ہئی، سپریم کورٹ دے فیصلیں دے مطابق عمران خان دے کاغذات نامزدگی مسترد تھیوݨے چاہیدن ۔ٻدھ کوں پریس کانفرنس توں خطاب کریندے ہوئیں انہاں آکھیے جو پاکستان اچ سیاسی جماعت آئین دے تحت رجسٹرڈ تھئی اے ۔ ایں دے کجھ تقاضے پورے کرݨٗے ہوندن ۔ فنڈنگ دیاں ساریاں دستاویزات ݙیکھݨ دے بعد یقین تھی ڳئے جو ممنوعہ فنڈنگ دا معاملہ سادہ کائنی ۔ٻاہرلے ملک توں عطیات ڳھدے ڳئن۔ کجھ مقصد کیتے ٻاہرلے ملک توں فنڈنگ کیتی ویندی اے ۔ اوسمجھدن جو جݙاں اے جماعت اقتدار اچ آسی تاں انہاں دے مفادات دا خیال رکھیسی ۔ بھارتی ، یہودیاں پاکستان دی ھک سیاسی جماعت کوں فنڈنگ کیوں کیتی اے ۔ ٻاہرلے ملک رہݨ آلے پاکستانی مزدورمختلف سیاسی جماعتاں کوں فنڈز ݙیندن او تاں ٹھیک اے لیکن ھک سیاسی جماعت کوں کوئی فنڈ ݙیسی ۔امریکا تے بھارتی نژاد شہریاں کوں اے یقین اے جو اے جماعت ملک دشمن ایجنڈے تے عمل کرسڳدی اے۔ ملک دیاں پاڑاں کھوکھلی کرسڳدیا اے ۔ایہا وجہ تھی سڳدی اے ۔صرف پی ٹی آئی دے ذریعے اپݨے مذموم عزائم پورا کرݨ چاہندن ۔ ممنوعہ فنڈنگ دے معاملے تے قانونی کارروائی تھیسی۔

مضمون کا ماخذ : سانتا کا سرپرائز

متعلقہ مضامین