افغانستان دی طرفوں قیاس آرائیاں تے مبنی الزامات افسوسناک اتے ذمہ دارانہ سفارتی طرز عمل دے اصولاں دے منافی ہن، ترجمان دفتر خارجہ

اسلام آباد۔29اگست (اے پی پی):پاکستان افغانستان اچ امریکی انسداد دہشت گردی ڈرون آپریشن اچ پاکستان دی فضائی حدود دے استعمال متعلق افغانستان دے قائم مقام وزیر دفاع دے الزامات تے تشویش ظاہر کریندے ہوئیں آکھیے جو ایجھے بیانات سفارتی طرزِ عمل دے خلاف ہن۔ دفتر خارجہ دے ترجمان دی طرفوں جاری بیان موجب افغانستان ولوں کہیں ثبوت دے بغیر جیویں جو خود افغان وزیر اعتراف کیتے، ایں طرح دیاں قیاس آرائیاں تے مبنی الزامات افسوسناک اتے ذمہ دارانہ سفارتی طرز عمل دے اصولاں دے منافی ہن ۔ ترجمان آکھیے جو پاکستان ساریاں ریاستاں دی خودمختاری اتے علاقائی سالمیت تے آپݨے یقین دا اعادہ کریندے تے او ہر قسم دی دہشت گردی دی مذمت کریندے ۔ ترجمان افغان عبوری حکام تے زور ݙتے جو او افغانستان دی طرفوں کیتے ڳئے بین الاقوامی وعدیں دی تکمیل کوں یقینی بݨاون جو او آپݨی سرزمین کہیں وی ملک دے خلاف دہشت گردی کیتے استعمال نہ تھیوݨ ݙیسن۔

مضمون کا ماخذ : سانتا کی جنگلی سواری۔

متعلقہ مضامین