یکجہتی کشمیردے ݙینھ کشمیر دے جھیڑے دے حل سانڳے پاکستان دے غیر متزلزل عزم دا ثبوت اے، مشعال ملک

APP19-030224 ISLAMABAD: February 03 - Mushaal Hussein Mullick SAPM Human Rights and Women empowerment addresses the seminar conducted by Press Information Department in honour to the relentless sacrifices of our Kashmiri brethren in connection of 5th February, 2024 - Kashmir Solidarity Day. APP/TZD/FHA

اسلام آباد۔3فروری (اے پی پی) نگران وزیر اعظم دی معاون خصوصی انسانی حقوق مشعال ملک آکھیے پاکستان مقبوضہ جموں و کشمیر دے عوام دی منصفانہ جدوجہد سانڳے آپݨی سیاسی، اخلاقی اتے سفارتی حمایت جاری رکھیسی ۔ او پریس انفارمیشن ڈیپارٹمنٹ (پی آئی ڈی) دے اہتمام نال یوم یکجہتی کشمیر دے حوالے نال منعقدہ سیمینار توں خطاب کریندیاں پیاں ہن ۔ ایں موقع تے پرنسپل انفارمیشن افسر ڈاکٹر طارق محمود خان اتے آل کشمیر نیوز پیپرز ایسوسی ایشن ( اے کے این اے) دے ارکان تے نمائندیں وی خطاب کیتا۔ سیمینار اچ ڈی جی انفارمیشن سروس اکیڈمی ارشد منیر، ڈی جی پی آئی ڈی عنبرین گل، صدر اے کے این اے امجد چودھری اتے سول سوسائٹی اتے ٻئی میڈیا ایسوسی ایشنز دے ارکان شرکت کیتی ۔ سیمینار توں خطاب اچ وزیراعظم دی معاون خصوصی مشعال ملک آکھیے یوم یکجہتی کشمیر اقوام متحدہ دی قرارداداں موجب مسئلہ کشمیر دے حل اتے جموں و کشمیر دے عوام کوں انصاف اتے امن ݙیوݨ سانڳے پاکستان دے غیر متزلزل عزم دا ثبوت اے۔ انہاں آکھیے بھارت مقبوضہ جموں و کشمیر دے لوکاں دی تحریک آزادی کوں دٻاوݨ دی ناکام کوشش اچ نسل کشی، ماورائے عدالت قتل، حراست اچ تشدد، کیمیائی ہتھیاراں دا استعمال، ٻالاں تے تریمتاں دے خلاف تشدد، جبری گمشدگیاں، پیلٹ گنز، اجتماعی سزا، کالے قوانین، فالس فلیگ آپریشن جیہے غیر قانونی، غیر انسانی تے غیر اخلاقی ہتھکنڈے استعمال کریندا پئے ۔

مضمون کا ماخذ : کمپیوٹر لاٹری کے نتائج

متعلقہ مضامین