اساکوں اپنڑی آونڑ آلی نسل کوں صحت مند بنڑاونڑ سانگے صحت بخش غذا دے استعمال کوں یقینی بنڑاونڑاں ہوسی ، سائرہ افضل تارڑ

اسلام آباد ۔ 26 اکتوبر (اے پی پی) موجودہ حکومت ملک اچ بالاںتے تریمت کوں صحت مند غذا دی فراہمی کوں یقینی بنڑاونڑ سانگے پکے اقدامات کیتے ہن ۔صحت بخش غذا دی فراہمی سانگے صوبیں تے ترقیاتی شراکت داراں ،وفاقی وزارتاں تے یو این وچال رابطہ کاری تے سانجھ کار کوں ترجیحی بنیاد تے عمل پیرا ہے۔خمیس کوں وزارت صحت دے حکام ” اے پی پی “ کوں ڈسایا جو وزیر مملکت نیشنل ہیلتھ ریگولیشن اینڈ کوآرڈیننس سائرہ افضل تارڑ سارے متعلقہ اداریں کوں ہدایت کیتی ہے جو اساکوں اپنڑیاں آندیاں نسلاں کوں صحت مند بنڑاونڑ سانگے صحت بخش غذا دے استعمال کوں یقینی بنڑاونڑاں ہوسی ،سارے شہریاں کوں صحت بخش غذا دی فراہمی حکومت تے ریاست دی ذمے واری ہے ۔تے آکھیا جو حکومت ڈاہ نکتے ایجنڈا تیار کریندے ہوئیںسارے صوبیں نال رل تے ایکشن پلان تیار کیتا ہے جیں دے تحت صوبیں دے نال سانجھے مشورے دے نال عمل در آمد سانگے کم کریندی پئی ہے۔انہاں آکھیا جو ملک اچ صحت مند تے معیاری خوراک دی فراہمی سانگے سارے سیاسی جماعتاں کوں اپنڑاں کردار ادا کرنڑاں ہوسی کیوں جو غیر معیاری تے صحت بخش غذا دی عدم دستیابی پاروں پاکستان اچ کئی بیماریاں جنم گھندیاںپیاں ہن جیں دی وجہ توں غیر معیاری چیزاں ہن ۔ اینکوں روکنڑ سانگے ہر صورت اچ اساں ساریں کوں اپنڑاں کردار ادا کرنڑاں ہوسی ۔انہاں آکھیا جو سارے ملک اچ غذائی گھٹکی کوں حل کرنڑ سانگے کم جاری ہے ۔

مضمون کا ماخذ : میگا ملینز کا جیک پاٹ

متعلقہ مضامین