اسلام آباد۔14ستمبر (اے پی پی):وزیر اعظم محمد شہباز شریف صوبہ بلوچستان دے ضلع صحبت پور دے سیلاب توں متاثرہ علاقیں دا دورہ کرݨ کیتے روانہ تھی ڳئن ۔وزیراعظم آفس دے میڈیاونگ توں جاری بیان موجب چیف سیکرٹری بلوچستان وزیر اعظم کوں سیلاب دیاں تباہ کاریاں، متاثرین دی مدد اتے تباہ شدہ انفراسٹرکچر دی بحالی کیتے جاری کوششاں تے بریفنگ ݙیسن ، وزیر اعظم امدادی کماں دا جائزہ گھنݨ تے سیلاب متاثرین دا حال ڄاݨݨ کیتے انہاں نال ملاقات کریسن ، اتھاں وزیراعظم میڈیا نال ڳالھ مہاڑ وی کریسن۔