پاکستان اتے بھارت دے بیک ڈور مذاکرات نئیں تھیندے پئے، پاکستان مقبوضہ کشمیر اچ انسانی حقوق دی خلاف ورزیاں تے بھارت دے خلاف آواز چیندا رہسی، ترجمان دفتر خارجہ

اسلام آباد۔2مارچ(اے پی پی)ترجمان دفتر خارجہ ممتاز زہرہ بلوچ آکھیے جو اٹلی اتے لیبیا اچ کشتی حادثات اچ 9 پاکستانی شہری موئن جنہاں دی میتاں دی وطن واپسی کیتے اقدامات تھیندے پن، پچھلے مہینے بھارتی فوجیاں زیرحراست 5 کشمیریاں کوں شہید کرݙتے، 4 ہزار توں ودھ کشمیری بھارت اتے مقبوضہ کشمیر دی مختلف جیلاں اچ قید ہین، پاکستان اتے باھرت دے بیک ڈور مذاکرات نئیں تھیندے پئے، پاکستان مقبوضہ کشمیر اچ انسانی حقوق دی خلاف ورزیاں تے بھارت دے خلاف آواز چیندا رہسی۔ اے ڳالھ ترجمان دفتر خارجہ ممتاز زہرہ بلوچ اسلام آباد اچ ہفتہ وار میڈیا بریفنگ اچ آکھی۔ انہاں آکھیا جو وزیر خارجہ 10 مارچ کوں نیویارک اچ اسلامو فوبیا بارے تقریب اچ شرکتک کریسن، جرمنی دے وزیر مملکت خارجہ امور ڈاکٹر ٹوبیاس لِنڈنر 4 توں 7 مارچ تئیں پاکستان دا دورہ کریسن۔ انہاں آکھیا جو اٹلی اچ ٻیڑی ٻݙݨ نال 2 پاکستانی موئن ڄݙاں جو 17 پاکستانیاں کوں بچا ڳھدا ڳئے اتے 2 حالی وی گم ہین، ایں سانڳے مرݨ آلیاں دی میتاں وطن ڳھن آوݨ اتے بچ ونڄݨ آلیاں دی ٻھال کیتے روم اچ پاکستانی سفارت خانہ اطالوی حکام نال رابطے اچ اے ڄݙاں جو لیبیا اچ ہک ٻئے واقعے اچ ہݨ تئیں 7 پاکستانی موئن ایں سانڳے لیبیا اچ پاکستانی سفارتخانہ مقامی حکام اتے ریڈ کراس دی بین الاقوامی کمیٹی نال لاشاں سنڄاݨݨ اتے میتاں کوں پاکستان پچاوݨ کیتے کم کریندا پئے۔ انہاں وزیر مملکت خارجہ حنا ربانی کھر دے دورہ جنیوا بارے وی ݙسایا۔ ترجمان دفترخارجہ آکھیا جو وزیر برائے اقتصادی امور ڈویژن ایاز صادق، کرونا دے بعد عالمی بحالی تے غیروابستہ تحریک (نام) دے رابطہ گروپ دے سربراہی اجلاس اچ پاکستانی وفد دی اڳواݨی کریندے پن ڄیڑھا یک توں 3 مارچ تئیں جاری رہسی۔

مضمون کا ماخذ : رومن دولت

متعلقہ مضامین