ٽوڪيو-18 جنوري (اي پي پي)آمريڪي سينٽرل ڪمانڊ دعوي ڪئي آهي ته آمريڪي فوج يمن ۾ بيلسٽڪ ميزائل تباه ڪيا آهن، ميڊيا رپورٽن موجب آمريڪي سينٽرل ڪمانڊ جاري ڪيل بيان ۾ چيو آهي ته آمريڪي فوج يمني حوثين جي ڪنٽرو ل واري علائقي ۾ فائر لاءِ تيار ڪيل چئن سامونڊي جهازن کي بيلسٽڪ ميزائل جو نشانو بڻائي تباه ڪيو، آمريڪي سينٽرل ڪمانڊ جاري بيان ۾ چيو آهي ته اهي حملا اڱاري تي ڪيا ويا،بيان ۾ چيو ويو آهي ته انهن حوثي ميزائلن سان خطي ۾ واپاري ۽ آمريڪي نيوي جي سامونڊي جهازن لاءِ واضع خطرو هو. رپورٽن موجب جمعي ۽ ڇنڇر تي ڪاروا ين کان پوءِ حوثي هدف تي اهو ٽيون آمريڪي حملو هو. آمريڪي سينٽرل ڪمانڊ اهو اعلان به ڪيو آهي ته ان جي سامونڊي فوج گذريل خميس تي هڪ سامونڊي جهاز کي قبضي ۾ ورتو هو جيڪو ايران مان حوثين لاءِ هٿيارن جا پرزا کڻي وڃي رهيو هو.