ملک دی معاشی صورتحال بہوں حدتئیں ٹھیک تھی گی ہے وزیر اعظم عمران خان دی پاکستان تحریک انصاف دے ارکان سندھ اسمبلی نال ملاقات اچ گالھ مہاڑ ارکاناں اپنڑے حلقیاں اچ ترقیاتی کماں اتے مسئلیاں بارے ڈسایا

کراچی ۔ 21 اکتوبر (اے پی پی) وزیر اعظم عمران خان نال پاکستان تحریک انصاف دے ارکان سندھ اسمبلی سنوار کوں ملاقات کیتی۔ ملاقات اچ گورنر سندھ عمران اسماعیل، وفاقی وزیر پارلیمانی امور اعظم خان سواتی، وزیر منصوبہ بندی مخدوم خسرو بختیار، وزیر بحری امور سید علی زیدی، وزیر آبی وسائل فیصل واوڈا، معاون خصوصی ندیم بابر اتے ممبر قومی اسمبلی اسد عمر وی موجود ہن۔ ملاقات اچ پی ٹی آئی دے سندھ اسمبلی دے ممبر اں اپنڑے حلقیاں اچ تھیونڑ آلے ترقیاتی کماں اتے مسئلیاں بارے ڈسایا۔ ایں موقع تے گالھ مہاڑ کریندے ہوئیں وزیراعظم آکھیا جوکراچی ملک دا معاشی مرکز ہے۔ وفاقی حکومت کوں کراچی اچ پانڑیں ، ٹرانسپورٹ، ویسٹ منیجمنٹ اتے عوام کوں درپیش بئے مسئلیاں بارے پتہ ہے۔ انہاں آکھیا جو بدقسمتی نال ماضی اچ کراچی دے عوام اتے کراچی دے مسئلیاں کوں نظر انداز کیتا گئے ۔ کراچی دے مسئلیاں کوں حل کرنڑ صوبائی حکومت دا کم ہے لیکن عوامی فلاح تے بہبودکو ں سامنڑے رکھیندے ہوئیں وفاق اپنڑے وسائل مطابق کراچی دے مسئلے حل کرنڑ سانگے اپنڑاں حصہ پیسی۔ وزیر اعظم آکھیا جو بلدیاتی نظام کراچی دے مسئلیاں دا حل کڈھنڑ اچ مدد کریسی۔ وزیر اعظم وفاقی وزیراں کوں ہدایت کیتی جوا وہ کراچی دے ممبران اسمبلی نال رابطے ودھاونڑ۔ ایں موقع تے وفاقی وزیر منصوبہ بندی مخدوم خسرو بختیار ممبران سندھ اسمبلی کوں کراچی اچ جاری اتے زیر غور وفاقی منصوبیں تے بریفنگ وی ڈتی۔ ایں موقع تے گورنر سندھ وفاق ولوں یقین ڈیوایا جو کے ۔ فور منصوبہ ہر صورت مکمل کیتا ویسی۔

مضمون کا ماخذ : لکی لیپریچون

متعلقہ مضامین