پاکستان امریکا نال مختلف شعباں اچ تکڑا ڳانݙھا چاہندے، آرمی چیف دی امریکی محکمہ داخلہ دے وفد نال ڳالھ مہاڑ

راولپنڈی۔8ستمبر (اے پی پی)آرمی چیف جنرل قمر جاوید باجوہ آکھیے جو امریکا نال مختلف شعباں اچ تکڑا ڳانݙھا چاہندے ہیں۔ پاک فوج دے شعبہ تعلقات عامہ (آئی ایس پی ار ) آکھیے جو آرمی چیف اے ڳالھ جی ایچ کیو راولپنڈی اچ امریکا دے محکمہ داخلہ دے قونصلر ایچ کولیٹ دی اڳواݨی اچ وفد نال ملݨ ویلھے آکھی اتے انہاں نال باہمی دلچسپی دے امور، علاقائی سلامتی سودھا ݙوہاں ملکاں وچال مختلف شعبیاں اچ تعاون ودھاوݨ بارے الایا۔ انہاں سکیورٹی اتے دفاع دے شعباں اچ تعاون ودھاوݨ تے اتفاق کیتا۔ مہمان وفد سیلاب دی صورتحال تے افسوس کریندے یکجہتی دا اظہار کیتا۔ امریکی وفد آکھیا جو ایں اوکھے ویلھے اچ امریکا پاکستان دی حکومت اتے عوام دا پورا ہتھ ونݙیسی، خطے اچ استحکام و امن کیتے پاکستان دیاں کوششاں قابل قدر ہین۔

مضمون کا ماخذ : گولڈ رش

متعلقہ مضامین