سائبر سیکیورٹی کوں قومی سرحداں، قومی مفادات دے دفاع اچ مرکزی حیثیت ہوسی، صدر مملکت ڈاکٹر عارف علوی دی نیشنل کمانڈ اتھارٹی دے سینئر افسران نال ڳالھ مہاڑ

اسلام آباد۔15نومبر(اے پی پی)صدر مملکت ڈاکٹر عارف علوی آکھیے جو سائبر سیکیورٹی کوں قومی سرحداں اتے قومی مفادات دے دفاع اچ مرکزی حیثیت حاصل ہوسی، سیاسی استحکام، پالیسیاں دے تسلسل، جدت طرازی اتے سارے شعبیاں خاص کر سائنس و ٹیکنالوجی اچ تحقیق و ترقی، آئی ٹی دے شعبے اچ انسانی وسائل دے معیار اتے تعداد اچ ودھارا، اسکولاں اتے مدارس اچ معیاری و مناسب تعلیم، سکولاں توں ٻاھرو 25 ملین ٻالاں کوں سکولاں اچ ڳھن آوݨ ضروری اے جیندے نال تیز رفتار ترقی اتے خوشحالی اچ مدد ملسی۔ اے ڳالھ انہاں ایوان صدر اچ نیشنل کمانڈ اتھارٹی (این سی اے) دے سینئر افسران نال الیندے آکھی۔ انہاں مصنوعی ذہانت اتے کوانٹم کمپیوٹنگ تے الیندے آکھیے جو ایکوں ہر سطح اتے فورمز تے اپنیڄے جو ساݙی تعلیم، تحقیق اتے ٻئے متعلقہ سرکاری و نجی اداریاں اچ ایکوں قبول کیتا ونڄے، صحیح ویلھے تے کیتے گئے درست فیصلے، معیاری فیصلہ سازی، ساݙے سائنسداناں دی ذہانت اتے علم، تربیت یافتہ اتے قابل انسانی وسائل نال درست کوششاں ملکی ترقی کیتے ہتھ ونݙیسن۔ صدر آکھیا جو ڄڳ اچ دستیاب ڈیٹا دے وݙے حجم دی پروسیسنگ کوانٹم کمپیوٹرز اتے مصنوعی ذہانت دے استعمال نال ہی ممکن اے، آرٹیفیشل انٹیلی جنس اتے کوانٹم کمپیوٹنگ اچ قیادت ݙیوݨ کیتے ہک اعلیٰ سطح باڈی ٻݨائی ونڄ سڳدی اے تاں جو متعلقہ اداریاں اتے محکمیاں کوں اڳو ودھݨ کیتے ہک واضح سمت ݙویڄے۔

مضمون کا ماخذ : سشی ایکسپریس

متعلقہ مضامین