برطانوی شہر ویلزاچ ’’کیمبرین پٹرول 2024 ‘‘ اچ 42 ملکاں دیاں 128 ٹیماں دی شرکت ، پاک فوج دی ٹیم گولڈ میڈل گھن ڳھدا ،آئی ایس پی آر

راولپنڈی۔13اکتوبر(اے پی پی) پاک فوج دی ٹیم 4 توں 13 اکتوبر 2024 تئیں برطانیہ دے شہر ویلز اچ تھیوݨ آلی مشق’’ کیمبرین پٹرول 2024 ‘‘ اچ حصہ ڳھدا تے غیر معمولی کارکردگی ݙکھیندے ہوئیں گولڈ میڈل گھن ڳھدے۔ آئی ایس پی آر توں جاری اعلامیہ موجب اڄوکے سال مشق کیمبرین پٹرول اپݨے 65 ویں سال دا جشن منائے۔ مشق اپݨے مطلوبہ پیشہ ورانہ معیارات کوں برقرار رکھیے تے ، ایں مشق دے دوران دنیا توں گشت کرݨ آلیں کوں حکمت عملی نال اوکھے علاقیں اچ ونڄݨا پوندے ، 48 گھنٹے اندر 60 کلومیٹر دا فاصلہ طے کرݨا پوندے ھک مسابقتی ماحول اچ خصوصی ٹاسک کوں پورا کرݨا پوندے ۔آئی ایس پی آر موجب اڄوکے سال 42 ملکاں دیاں 128 ٹیماں مشق اچ حصہ ڳھدا انھاں ساریاں ٹیماں اچوں پاک فوج دی ٹیم مشق اچ غیر معمولی کارکردگی ݙکھائی تے اینکوں گولڈ میڈل نال نوازیا ڳئے ۔ اے پوری قوم تے پاک فوج سانڳے ماݨ اے جیڑھے آپݨی پیشہ ورانہ مہارت اتے تربیت دے اعلیٰ ترین معیار پاروں سنڄاتی ویندی اے ۔ الحمدللہ پاک فوج ہمیشہ ملک دا پرچم اُچا رکھئے۔

مضمون کا ماخذ : لاٹری کھیلنے کا طریقہ

متعلقہ مضامین