تنخواہ دار طبقہ کیتے نویں متعارف کرائے گئے 7 سلیب اچ ڳھٹو ڳھٹ قابل ٹیکس آمدن 6 لکھ روپے کرݙتی گئی

اسلام آباد۔29جون(اے پی پی) تنخواہ دار طبقہ کیتے نویں متعارف کرائے گئے 7 سلیب اچ ڳھٹو ڳھٹ قابل ٹیکس آمدن 6 لکھ روپے کرݙتی گئی اے۔ قومی اسمبلی اچ مالی بل اچ کیتی گئی ترمیم دے تحت تنخواہ دار طبقے تے انکم ٹیکس دے نویں سلیب متعارف کرائے گین، ایں سانڳے ڳھٹو ڳھٹ قابل ٹیکس آمدن بارے مالی بل اچ ترمیم کریندے ہوئے ایکوں 6 لکھ روپے مقرر کیتا ڳئے۔ 6 لکھ روپے توں اتو اتے 12 لکھ روپے تئیں دی سالانہ آمدن تے 6 لکھ روپے توں ودھ آمدن تے 2.5 فیصد، 12 لکھ روپے توں اتو اتے 24 لکھ روپے تئیں دی آمدن تے 12 لکھ روپے دی آمدنی تے 15 ہزار روپے فکسڈ اتے 12.5 فیصد ٹیکس ڳھدا ویسی۔ 24 لاکھ روپے توں 26 لکھ روپے تئیں آمدن تے سالانہ 1 لکھ 65 ہزار روپے فکسڈ ڄݙاں جو 24 لکھ روپے توں ودھ آمدن تے 20 فیصد، 36 لکھ توں 60 لکھ روپے تئیں آمدن تے سالانہ فکسڈ ٹیکس 4 لکھ 5 ہزار ڄݙاں جو 36 لکھ روپے توں اتے دی آمدن تے 25 فیصد ٹیکس لایا ویسی۔ 60 لکھ توں ہک کروڑ 20 لکھ روپے تئیں دی سالانہ آمدن تے 10 لکھ 5 ہزار روپے فکسڈ، 60 لکھ توں ودھ آمدن تے 32.5 فیصد، ہک کروڑ 20 لکھ روپے توں ودھ آمدن تے 29 لکھ 55 ہزار فکسڈ ڄݙاں جو ہک کروڑ 20 لکھ روپے توں ودھ آمدن تے 35 فیصد ٹیکس لایا ڳئے۔

مضمون کا ماخذ : کنگ کانگ روش

متعلقہ مضامین