اسلام آباد۔12اکتوبر (اے پی پی) نگراں وزیراعظم انوار الحق کاکڑ ملک اچ ٻئے شپ یارڈ ٻݨاوݨ دے عمل کوں تیز کرݨ اتے انہاں منصوبیاں اچ ماحولیاتی عنصر کوں ملحوظ خاطر رکھݨ دی ہدایت کیتی۔ خمیس کوں وزیر اعظم آفس میڈیا ونگ توں جاری بیان موجب نگراں وزیراعظم انوار الحق کاکڑ دی صدارت پاکستان اچ بحری جہاز ٻݨاوݨ دے پالیسی بورڈ دا اجلاس تھیا۔ اجلاس اچ ملک اچ شپ یارڈ ٻݨاوݨ دی اڄوکی صورتحال دا جائزہ ڳھدا ڳئیا۔ وزیراعظم کوں بریفنگ اچ ݙسیا ڳئیا جو بلوچستان اچ سور بندر، ایسٹ بے، کپّر اتے پشو خان دی ڄاہ تے شپ یارڈز ٻݨائی ونڄ سڳدن۔