اسلام آباد۔8جون (اے پی پی):پاک بحریہ دے سربراہ ایڈمرل محمد امجد خان نیازی آکھیے جو سمندراں کیتے ودھدے خطریں نال نبݨݨ کیتے نویں تے جدید حل ڳولݨ دی لوڑھ اے۔اڄ دے ݙینھ اساں سمندراں کوں ضیان توں بچاوݨ کیتے آپݨے عزم دا اعادہ کریندوں ۔ ٻدھ کوں سمندراں دے عالمی ݙینھ دے موقع تے پاک بحریہ دے سربراہ اپݨے خصوصی پیغام اچ آکھیے جو سمندراساݙی روزانہ دی زندگی اچ اہم کردار ادا کریندن ۔ اڄوکے سال عالمی یوم بحر دا موضوع “حیات نو ۔ سمندراں کیتے مشترکہ کاوش” اے ۔جیں دا مقصد لوکاں اچ سمندر تے ایندے اچ پاتے ونڄݨ آلے ذخیرے متعلق اڳونہی ݙیوݨ اے۔ ایڈمرل محمد امجد خان نیازی آکھیے جو پاک بحریہ سمندری وسائل دے محفوظ اتے دیرتئیں استعمال متعلق اڳونہی ودھاوݨ کیتے سرگرم اے۔ انہاں آکھیے عالمی یوم بحر دے موقع تے پاک بحریہ اچ مختلف سرگرمیاں دا انعقاد وی کیتا ویندا پئے ۔