اسلام آباد۔28اکتوبر(اے پی پی)وفاقی وزیر میاں جاوید لطیف آکھیے جو ارشد شریف دی شہادت تے افسوس اے، انکوائری کمیشن واقعہ دی تحقیقات کیتے عمران خان اتے فواد چوہدری کوں وی سݙے، عمران خان اپݨے اقتدار کیتے پاکستان دی معیشت، اقدار، معاشرہ، روایات اتے مذہب نال کھیݙدا پئے۔ پریس کانفرنس کریندے انہاں آکھیا جو شہید ارشد شریف دے ٹٻر کوں پرچاوݨی ݙیندے ہیں، پاکستان ٻمدے وی وݙے لوکاں کامیابی ݙتی، انہائیں شہیداں اتے غازیاں پاروں اڄ پاکستان ڄمیا کھڑے، آئی ایس پی آر دا پچھلیاں خلطیاں کوں منݨ اتے آئین تے عملداری دا عہد کرݨ خوش آئند اے، جنھاں لوکاں ارشد شریف کوں مارݨ کیتے سہولت کاری، منصوبہ بندی اتے واردات اچ حصہ پاتے انہاں کوں کٹہرے اچ ڳھن آسوں۔