قزاخستان پاکستان نال دیرتئیں تے طویل مدتی اقتصادی و تجارتی تعلقات کوں تکڑا بݨاوݨ کیتے تیار اے ، قزاخستان دے وزیردی بین الاقوامی میڈیا نال ڳالھ مہاڑ

اسلام آباد۔26مارچ(اے پی پی):قزاخستان دے وزیر قومی معیشت اے کوانتیروف آکھیے انہاں دا ملک پاکستان نال دیر تئیں تے لمبی مدت اقتصادی و تجارتی تعلقات کوں تکڑا بݨاوݨ کیتے تیار اے ، پاکستان تے قزاخستان طویل المدتی اقتصادی شراکت داری کیتے سانجھی ڳالھ مہاڑ اچ مصروف ہن جیں توں مستقبل اچ ݙوہیں ملکاں وچال اقتصادی اتے تجارتی تعاون دا رستہ ہموار تھیسی ، اتوار کوں اتھاں جاری بیان موجب اے ڳالھ انہاں قزاخستان دے شہر آستانہ اچ بین الاقوامی میڈیا کوں بریفنگ ݙیندے ہوئیں آکھی اے ، انہاں آکھیے پاکستان اچ کراچی، لاہور اتے فیصل آباد جیہے شہرموجود ہن جنہاں توں قزاخستان دے تاجر کاروباری رابطیں اچ ودھارا کرتے فیدے حاصل کرسڳدن ، پاکستان اتے قزاخستان علاقائی، اقتصادی تے تجارتی یکجہتی اچ اہم کردار ادا کرسڳڈن جیں کیتے ݙوہیں ملکاں اچ ڳالھ مہاڑ جاری اے ، پاکستان تے قزاخستان دے درمیان ٹیکسٹائل، زراعت اتے توانائی سودھے کئی شعبیں اچ اقتصادی اتے تجارتی تعاون دے مواقع موجود ہن۔

مضمون کا ماخذ : راکی

متعلقہ مضامین