او ݙینھ آوݨ آلا اے ڄݙاں پاکستان عالمی معیشتاں دے نال کھڑا ہوسی، نائب وزیراعظم محمد اسحاق ڈار دا ”اڑان پاکستان” دی تقریب نال خطاب

اسلام آباد۔31دسمبر(اے پی پی)نائب وزیراعظم و وزیر خارجہ سینیٹر محمد اسحاق ڈار ”اڑان پاکستان” کوں قومی ترقی دا ہک جامع اتے متوازن پروگرام قرار ݙیندے آکھیے جو وزیراعظم شہباز شریف دی اڳواݨی اچ سارے اہداف پورے تھیسن، او ݙینھ آوݨ آلا اے ڄݙاں پاکستان عالمی معیشتاں دے نال کھڑا ہوسی۔ اے ڳالھ انہاں اسلام آباد اچ قومی اقتصادی پلان ”اڑان پاکستان” دی افتتاحی تقریب نال خطاب اچ آکھی۔ انہاں آکھیا جو 2013ء اچ مسلم لیگ (ن) دی حکومت تھری ایز پروگرام ݙتے اتے ملک کوں اندھیرے تون کݙھیے، 2022ء اچ شہباز شریف دی قیادت اچ پی ڈی ایم حکومت ملک ݙیوالہ تھیوݨ توں بچائے ہݨ قومی اقتصادی پلان ”اڑان پاکستان”تے وی وزیراعظم دی قیادت اچ کامیابیاں ملسن اتے ملک عالمی معیشتاں دی صف اچ کھڑا تھیسی۔ انہاں آکھیے جو ”اڑان پاکستان” 5 سالہ قومی اقتصادی پلان تے عملدرآمد دا منصوبہ اے ڄیکوں صوبیاں اتے وفاقی حکومت وزیراعظم محمد شہباز شریف دی سربراہی اچ قومی اقتصادی کونسل اچ منظور کیتے، اڄ ول عوام مسلم لیگ (ن) کوں موقع ݙتے اتے وزیراعظم شہباز شریف دی قیادت اچ اساں فائیو ایز پروگرام پیش کریندے پئے ہیں، ملک استحکام دو ٹر پئے، معیشت دے سارے اشاریے سرپلس ہین، اڄ ولا 6 فیصد دا ہدف رکھیندے پئے ہیں، پاکستان دی افراط زر دی شرح 4 فیصد تے، فوڈ انفلیشن 2 فیصد اتے دنیا دی پنجویں اتے جنوبی ایشیا دی بہترین سٹاک مارکیٹ اے، فارن ایکسچینج ذخائر بلند سطح تے ہین، پاکستان کولو وسائل دی کمی نئیں ٻھل سیاسی استحکام نال معاشی ترقی دے اہداف پورے کیتے ونڄ سڳدن، ایندے کیتے سیاسی استحکام ضروری اے، وزیراعظم شہباز شریف دی قیادت اچ ڄیڑھا سفر شروع تھئے اے مکمل تھیسی اتے پاکستان کوں تیکھے معاشی عروج تے پچیسوں، ” اڑان پاکستان ” دا پنڄ سالہ قومی اقتصادی پلان پورا کریسوں۔

مضمون کا ماخذ : loteria Ceará

متعلقہ مضامین