فارن سروس آفيسرن سڄي دنيا ۾ پاڪستان جو موقف بهترين انداز ۾ پيش ڪيو آهي، ماحولياتي تبديلين بابت موقف تي سڄي دنيا پاڪستان سان گڏ هئي: بلاول ڀٽو زرداري

اسلام آباد– 14 – فيبروري (اي پي پي) پرڏيهي وزير بلاول ڀٽو زرداري چيو آهي ته اسان جي فارن سروس آفيسرن سڄي دنيا ۾ پاڪستان جو موقف بهترين انداز ۾ پيش ڪيو آهي، ماحولياتي تبديلين بابت موقف تي سڄي دنيا پاڪستان سان گڏ هئي، جنيوا ۾ ڪلائميٽ ريزيليئنٽ پاڪستان ڪانفرنس جي موقعي تي عالمي برادري اسان جو ڀرپور ساٿ ڏنو، مشڪل وقت ۾ دنيا پاران ساٿ ڏيڻ اسان جي بهترين پرڏيهي پاليسي جو ثبوت آهي. اهڙن خيالن جو اظهار هن فارن سروس اڪيڊمي ۾ 42 هين اسپيشلائيزڊ ڊپلوميٽڪ گريجوئيشن ڪورس جي تقريب ۾ خاص مهمان طور خطاب ڪندي ڪيو. پرڏيهي وزير چيو ته پاڪستان ماحولياتي تبديلين بابت هر فورم تي آواز اٿاريو ۽ سڄي دنيا پاڪستان سان گڏ بيٺل رهي. هن چيو ته پاڪستان جي پرڏيهي پاليسي کي ملڪي مفادن موجب ٺاهيون ٿا. اسان کي پرڏيهي پاليسي سان گڏوگڏ هر ميدان ۾ جديد ٽيڪنالاجي جي استعمال کي فروغ ڏيڻو پوندو. بلاول ڀٽو زرداري چيو ته پاڪستان ۾ گذريل سال ايندڙ خوفناڪ ٻوڏ کانپوءِ چين ۽ آمريڪا سميت مختلف ملڪن اسان جي ڀرپور مدد ڪئي، جنهن کانپوءِ جنيوا ۾ ماحولياتي تبديلين بابت ڪلائميٽ ريزيليئنٽ پاڪستان ڪانفرنس جي موقعي تي دنيا اسان جو ڀرپور ساٿ ڏنو. هن چيو ته پاڪستان ماحولياتي تبديلين بابت هر فورم تي آواز بلند ڪيو. پرڏيهي پاليسي کي ملڪي مفاد موجب ٺاهيون ٿا. پرڏيهي وزير چيو ته منهنجي لاءِ تقريب ۾ شرڪت اعزاز جو سبب آهي. هن نوجوان سفارتڪارن کي ڪورس مڪمل ڪرڻ تي مبارڪباد ڏني. هن چيو ته ڊائريڪٽر جنرل فارن سروس اڪيڊمي ۽ ان جي ٽيم به مبارڪباد جي مستحق آهي، جنهن ڪورس منعقد ڪرڻ ۾ اهم ڪردار ادا ڪيو. پرڏيهي وزير چيو ته فارن سروس اڪيڊمي عالمي معيار جا سفارتڪار تيار ڪيا آهن. فارن سروس اڪيڊمي ۾ پاڪستان کانسواءِ دوست ملڪن جي سفارتڪارن کي به تربيت ڏني پئي وڃي. هن چيو ته پاڪستان ملڪي ۽ عالمي سطح تي مشڪلاتن جي باوجود اڳتي وڌي رهيو آهي. اتحادي حڪومت پنهنجي مختصر عرصي ۾ ڪاميابيون حاصل ڪيون آهن، جنهن ۾ ايف اي ٽي ايف جي گري لسٽ مان پاڪستان جي نڪرڻ کانسواءِ ڪوپ 27 ۾ ڪاميابي سان ماحولياتي تبديلين بابت هدف حاصل ڪرڻ کانسواءِ پاڪستان کي جي 77 پلس چائنا گروپ جي سربراهي جو اعزاز به حاصل رهيو. هن چيو ته موجوده حڪومت سڀني عالمي پارٽنرز سان لاڳاپن کي فروغ ڏنو. جڏهن ته جنيوا ۾ ڪلائميٽ ريزيليئنٽ پاڪستان ڪانفرنس جو انعقاد پاڪستان جي ڪامياب پرڏيهي پاليسي جو مثال آهي. پرڏيهي وزير فارن سروس اڪيڊمي مان تربيت حاصل ڪندڙ آفيسرن ۽ ٻين شريڪ ٿيندڙن کي جيو پوليٽڪس، يوڪرين تڪرار ۽ دنيا کي هن وقت درپيش مسئلن سان گڏوگڏ اتحادي حڪومت جي ڪاميابي بابت آگاهه ڪيو. هن چيو ته گذريل سال خوفناڪ ٻوڏ سان اولهه کان اوڀر تائين دنيا پاڪستان سان گڏ بيٺل رهي. آمريڪا ۽ چين به مشڪل وقت ۾ پاڪستان جو ساٿ ڏنو. وچ اوڀر جي ملڪن سميت اسلامي ملڪن ۽ يورپي يونين کانسواءِ آسيان ملڪن به پاڪستان جو ساٿ ڏنو، جيڪا ملڪ جي پرڏيهي پاليسي جي ڪاميابي آهي. هن چيو ته گهٽ وسيلن ۽ وڌيڪ محنت سان پاڪستان جي سفارتڪارن پنهنجون صلاحيتون مڃرايون آهن. هن ان ڳالهه تي زور ڏنو ته اسان کي جديد ڪميونيڪشن، ٽيڪنالاجي کي اختيار ڪرڻو پوندو، جڏهن ته فارن سروس کي نئين گهرجن سان هم آهنگي ڪرڻ سان گڏوگڏ ايڪسپورٽ مارڪيٽ کي ڳولڻ جي به ضرورت آهي. فارن سروس کي انتظامي ۽ ٻين شعبن ۾ بهتر بڻائڻ وقت جي گهرج آهي. پاڪستان جي سفارتڪارن کي پرنٽ ۽ اليڪٽرانڪ ميڊيا سان گڏ سوشل ميڊيا سان به هم آهنگ ڪرڻ جي ضرورت آهي. پرڏيهي وزير چيو ته فارن سروس اڪيڊمي ۾ نوجوان سفارتڪارن جي تربيت مڪمل ٿيڻ کانپوءِ هڪ سفر ختم ٿيو آهي، جڏهن ته انهن جي لاءِ هڪ نئين سفر جي شروعات ٿي آهي. پرڏيهي وزير ان اميد جو اظهار ڪيو ته فارن سروس اڪيڊمي اهڙا نوان گريجوئيٽس تيار ڪندي، جيڪي هر لحاظ کان قابل هوندا. تقريب جي پڄاڻي تي پرڏيهي وزير بلاول ڀٽو زرداري فارن سروس اڪيڊمي مان فارغ ٿيندڙ گريجوئيٽس ۾ سرٽيفڪيٽس ۽ ميڊلز ورهايا. ان کان اڳ فارن سروس اڪيڊمي جي ڊائريڪٽر جنرل اڪيڊمي اچڻ تي پرڏيهي وزير ۽ ٻين مهمانن جي آجيان ڪندي انهن جا ٿورا مڃيا. هن چيو ته پاڪستان جي پرڏيهي وزارت جي آفيسرن جي تربيت جي لاءِ هي ادارو اهم خدمتون سرانجام ڏئي رهيو آهي ۽ نئين گريجوئيٽس جي لاءِ تربيتي پروگرام انتهائي اهميت رکندڙ آهي. اڄ جي پروگرام ۾ 21 گريجوئيٽس کي سرٽيفڪيٽس ڏنا پيا وڃن. هن چيو ته اداري کي مستقبل جي گهرجن سان هم آهنگ ڪرڻ جي لاءِ قدم کنيا پيا وڃن.

مضمون کا ماخذ : اسرار ریلز

متعلقہ مضامین