وزيراعظم سره د نړيوال بانك ريجنل وائس پرېذيډنټ انيتے ډكسن په مشرې كښې د بانك پلاوي ملاقات وكړو
اسلام آباد 27 جنوري (اے پي پي) وزيراعظم شاهد خاقان عباسي سره د نړيوال بانك ريجنل وائس پرېذيډنټ انيتے ډكسن په مشرې كښې د بانك پلاوي ملاقات وكړو۔ په وزيراعظم هاؤس كښې د شوي ملاقات په مهال د نړيوال بانك كنټري ډائرېكټر پاچها موټھو ايلان ګووان٬ د آئي اېم اېف سيمه ايز نائب صدر سنيزانا كوويك او نديم صديقي هم انيتے ډكسن سره وو۔ د ملاقات په مهال د اوبو وسيلو وزير سيد جاوېد علي شاه٬ خارجه سېكتره تهمينه جنجوعه٬ د خزانې سېكتر عارف احمد خان٬ د اوبو سيلو سېكتر شمائل احمد او نور سينئر چارواكي هم موجود وو۔ د ملاقات په مهال د نړيوال بانك په شركت سره په پېل كړې شويو بېلا بېلو پرمختيائي پروژو او هند سره د كشن ګنګا او رېنټل پروژو په شخړو هم خبرې وشوې۔ وزيراعظم پلاوې د اوسني حكومت د مجموعي اصلاحاتي اېجنډې څخه خبر كړو۔ وزيراعظم ووئيل چې د امن او امان په صورتحال كښې ځانګړې بهتري راغلې او د توان په بحران قابو موندلو او د سي پېك له مخې د پېل كړې شوي انفراسټركچر پرمختګ سره به معيشت لا مستحكم شي او په مجموعي اقتصادي آؤټ لك كښې به بهتري راشي۔ وزيراعظم ووئيل چې پاكستان د روانو پرمختيائي پروژو په وخت ترسره كولو لپاره د نړيوال بانك مرسته غواړي او په خاص توګه هيله لري چې نړيوال بانك به د سندھ طاس لوظنامې له مخې خپل كردار په موثره توګه كارولو سره هند سره د اوبو د شخړې حل لپاره مرسته وكړي۔ مېرمن انيتے ډكس وزيراعظم ته باور وركړو چې نړيوال بانك به پاكستان سره خپله مرسته روانه وساتي۔
