اطلاعات ۽ نشريات واري وفاقي وزير ۽ مملڪتي وزير ٽي سالا ڪارڪردگي رپورٽ پيش ڪئي

APP68-260821 ISLAMABAD: August 26 - Federal Minister for Information & Broadcasting Mr Fawad Hussain presents 3 Years Performance Report of PTI Government to Prime Minister Imran Khan at an event. APP

اسلام آباد – 26 آگسٽ (اي پي پي) اطلاعات ۽ نشريات واري وفاقي وزير چوڌري فواد حسين ۽ اطلاعات ۽ نشريات واري مملڪتي وزير فرخ حبيب ٽي سالا ڪارڪردگي رپورٽ جناح ڪنيويشن سينٽر ۾ ٿيندڙ تقريب دوران وزيراعظم عمران خان کي پيش ڪئي، اها رپورٽ اطلاعات ۽ نشريات واري وزارت پاران جوڙي وئي آهي، جنهن ۾ ڪورونا جي تناظر ۾ عالمي اقتصادي ٻائڙائي باوجود حڪومت جي ڪاميابين تي ڌيان رهيو آهي، ان ڪارڪردگي رپورٽ ۾ نئين پاڪستان جي ويزن تحت عام ماڻهو کي سهولت فراهم ڪرڻ لاءِ سڀني وزارتن ۽ ڊويزنن جي ڪوششن جو ذڪر ڪيو ويو آهي، 21 -2018ع جي رپورٽ 251 صحفن تي ٻڌل آهي، جنهن ۾ 44 عوامي ادارن سميت وزارتن، ڊويزنن ۽ ڊپارٽمينٽس جي ڪاميابين جو خاڪو پيش ڪيو ويو آهي، هر شعبي جي 20 لائينن جي وزارت کانسواءِ ان ۾ اهم مقصد، قدمن تي اپ ڊيٽس، ڊگهي مدي واري حڪمت عملي، قانونسازي، پاليسي فريم ورڪ ۽ پائيپ لائين ۾ منصوبن تي به ڌيان ڏنو ويو آهي، مواد جي وضاحت گرافڪس ۽ لاڳاپيل انگ اکرن ۽ حقيقتن جي ذريعي ڪئي وئي آهي، حڪومت ڪووڊ -19 جي صورتحال تي ضابطو آڻڻل لاءِ سمارٽ لاڪ ڊائون جي حڪمت عملي اختيار ڪئي، ملڪ ۾ 30 ملين ويڪسين جون خوراڪون لڳائڻ سميت پرسنل پروٽيڪشن ايڪوئپمنٽس جي تياري حڪومت جون اهم ڪاميابيون آهن، عام ماڻهو جي ترقي لاءِ حڪومت گهٽ آمدني وارن طبقن کي سستي رهائش فراهم ڪرڻ لاءِ نئون پاڪستان هائوسنگ پروگرام، سماجي تحفظ لاءِ احساس پروگرام نوجوانن کي روزگار جي فراهمي لاءِ ڪامياب جوان پروگرام شروع ڪيا، قانونسازي جي حوالي سان 54 قانون تيار ڪيا ويا، ڪوڊ آف سول پروسيجر ترميمي ايڪٽ 2020، انفورسمٽ آف وومين پراپرٽي رائٽس ايڪٽ 2020ع ۽ ليگل اينڊ اينڊ جسٽس اٿارٽي ايڪٽ 2020ع به شامل آهن ته جيئن معاشري جي غريب ۽ پوئتي پيل طبقن کي مدد فراهم ڪري سگهجي.

مضمون کا ماخذ : پاکستان لاٹری نمبر

متعلقہ مضامین