سپریم کورٹ پی ٹی آئی کوں جی نائن اتے ایچ نائن نال احتجاج دی اجازت ݙیوݨ دا حکم ݙے ݙتے

اسلام آباد۔25مئی(اے پی پی) سپریم کورٹ اچ جسٹس اعجاز الاحسن دی سربراہی اچ 3 رکنی بینچ پی ٹی آئی لانگ مارچ دے شرکا کوں ہراساں کرݨ دے خلاف اسلام آباد ہائیکورٹ بار ایسوسی ایشن دی درخواست تے سماعت کیتی۔ سپریم کورٹ انتظامیہ کوں پاکستان تحریک انصاف (پی ٹی آئی) کوں احتجاج کیتے ڄاہ ݙیوݨ دی ہدایت کریندے آکھیے جو احتجاج کیتے جی نائن اتے ایچ نائن وچال آوݨ دی اجازت ݙتی ونڄے ٻھل سری نگر ہائی وے بند نئیں تھیوݨی چاہیدی جو لوک اوکھے نا تھیون۔ سپریم کورٹ سیاسی گرفتاریاں تے چنتا کریندے رہائی دا وی حکم ݙتے جو پولیس پی ٹی آئی رہنماواں اتے کارکناں دے گھراں تے چھاپے نا مارے، مظاہرین پُر امن رہسن، املاک کوں نقصان نہ پچیسن اتے تحریک انصاف قواعد دی پابندی کریسی ڄݙاں جو بند رستے فوری کھولیے ونڄن، امید اے جو معاملات چنڳے طریقے نال حل کیتے ویسن۔ جسٹس اعجاز الاحسن ریمارکس ݙتن جو ہسپتالاں اچ ایمرجنسی اے، سکولز اتے ٹرانسپورٹ بند، امتحانات ملتوی، سڑکاں اتے کاروبار بند ہین، کیا ہر احتجاج تے پورا ملک بند کر ݙویسی؟ جسٹس مظاہر نقوی ریمارکس ݙتن جو اٹارنی جنرل صاحب، کیا تہاکوں پتا نئیں جو حالات اینڄھے ہین کہ سپریم کورٹ دا ادھا عملہ رستے بند ہووݨ پاروں نئیں پڄ سڳیا۔ سپریم کورٹ پی ٹی آئی دے لانگ مارچ کیتے ڄاہ ݙیوݨ دی ہدایت کریندے آکھیے جو تحریک انصاف احتجاج ریکارڈ کراوݨ توں بعد گھر دو لڳی ونڄے۔

مضمون کا ماخذ : پھل اور سات

متعلقہ مضامین