پچھلی حکومت صحافیاں دے حقوق دے تحفظ بارے اختیارات وزارت انسانی حقوق کوں ݙتا ہئی، اساں اے اختیار واپسی وزارت اطلاعات تے نشریات کوں ݙتے، اساں کہیں صحافی دے خلاف پیکا قانون دےتحت مقدمے نی ٻݨائے، وزیر اطلاعات مریم اورنگزیب

اسلام آباد۔11اپریل (اے پی پی) وفاقی وزیر اطلاعات تے نشریات مریم اورنگزیب آکھیا جو پچھلی حکومت صحافیاں دے حقوق دے تحفظ بارے اختیارات وزارت انسانی حقوق کوں ݙتا ہئی، اساں اے اختیار واپسی وزارت اطلاعات تے نشریات کوں ݙتے، اساں کہیں صحافی دے خلاف پیکا قانون دےتحت مقدمے نی ٻݨائے۔ اومنگل کوں سینیٹ دی قائمہ کمیٹی برائے اطلاعات و نشریات اچ ڳالھ مہاڑ کریندی پی ہن۔ پی ٹی وی ہیڈکواٹر اچ تھیوݨ آلے اجلاس دی صدارت چیئرمین کمیٹی سینیٹر فیصل جاوید کیتی۔ آزادی صحافت بارے معاملے تے بحث کیتی ڳی۔ سینیٹر فیصل جاوید دے میڈیا دے خلاف مقدمے اتے انتقامی کاروائی دی دہائی تے سینیٹر عرفان صدیقی اتے سینیٹر وقار مہدی تجویز ݙتی جو میڈیا مالکان کوں سݙ تے سابقہ اتے پچھلے دور اچ آزادی صحافت دا موازنہ کر ڳھندوں جو کیڑھے دور اچ کیا تھیے؟ چیئرمین کمیٹی فیصل جاوید چیئرمین پیمرا توں مطالبہ کیتا جو یقین ݙوایا ونڄے جو عمران خان دی تقریر سارے چیلنجز تے نشر تھیسی۔ چیئرمین پیمراسلیم بیگ آکھیا جو پیمرا کہیں سیاسی جماعت دے سربراہ دی تقریر ݙکھاوݨ کیتے چیلنجز کوں نی آکھ سڳدا۔

مضمون کا ماخذ : سپر اسپنر

متعلقہ مضامین