موسمیاتی تبدیلی دے چیلنج نال نبݨݨ سانڳے جدید زرعی ٹیکنالوجی تے موثر فیصلہ سازی ناگزیراے، صدر مملکت

اسلام آباد۔23جنوری(اے پی پی) صدر مملکت ڈاکٹر عارف علوی پاکستان اچ قدرتی وسائل دی فراوانی دا حوالہ ݙیندے ہوئیں آکھیے جو ملک اچ موسمیاتی تبدیلی دے چیلنج نال نبݨݨ سانڳے جدید زرعی ٹیکنالوجی اتے موثر فیصلہ سازی کوں اپناوݨ ناگزیر اے۔ منڳل کوں اتھاں انسٹی ٹیوٹ آف ریجنل سٹڈیز دے زیر اہتمام “موسمیاتی بحران: جنوبی ایشیا دی لچک دی تشکیل” دے موضوع تے ریجنل ڈائیلاگ 2024 اچ آپݨے افتتاحی خطاب اچ صدر مملکت آکھیے جو پاکستان پاݨی، قابل تجدید توانائی دی صلاحیت اتے ٻئے وسائل توں مالا مال اے تاں جو اینکوں فیصلیں تے عمل درآمد اتےمطابقت پیدا کرݨ دی لوڑھ اے ۔ انہاں سابق سفارت کاراں، ماہرین تعلیم تے محققین دے اجتماع کوں ݙسائے جو پاکستان کنے تقریباً 150 ملین ایکڑ فٹ پاݨی موجود اے جیڑھا جو سپرے اتے ڈرپ اریگیشن جیہی جدید زرعی تکنیک کوں اپناوݨ تے آبپاشی دے روایتی طریقیں کوں بدالݨ دی صورت اچ ایندیاں ضرورتاں کوں پورا کرݨ سانڳٖ کافی اے ، قومی آبی پالیسی اتے ٻئے متعلقہ قوانین دے نفاذ تے زور ݙیندے ہوئیں انہاں آکھیے پرائسنگ میکنزم وی پاݨی دی بچت دا سبب بݨ سڳدے۔ انہاں آکھیے کراچی اچ روزانہ تقریباً 400 ملین گیلݨ پاݨی سیوریج دے ذریعے سمندر اچ ڈھایا ویندے جیڑھا جو ھک جرم اے ۔ انہاں ماہی گیراں دی طرفوں ممنوعہ ڄالیں دے استعمال تے وی روشنی پاتی جیں دے نتیجے اچ سمندری حیات دا ٻہوں ضیان تھیندے ۔ انہاں آکھیے مختلف وجوہات دی بناء تے یورپ پاکستان توں مچھی دی درآمد دی اجازت نی ݙیندا پیا ۔ صدر مملکت ہالینڈ دی مثال ݙتی جیڑھا جو پاکستان توں حجم اچ 19 گنا چھوٹا ہووݨ تے پاکستان جیہا وافر پانی دستیاب نہ ہووݨ دے باوجود دنیا اچ خوراک ݙیوݨ آلا ݙوجھا وݙا ملک اے ۔

مضمون کا ماخذ : کمپیوٹر لاٹری کا جیک پاٹ

متعلقہ مضامین