موجوده حڪومت جي دور ۾ ادارا آزاد آهن: وزيراعظم

A DELEGATION OF MQM LEADERS CALLED ON PRIME MINISTER IMRAN KHAN AT ISLAMABAD ON OCTOBER 06, 2021.

اسلام آباد – 06 – آڪٽوبر (اي پي پي) وزيراعظم عمران خان چيو آهي ته موجوده حڪومت جي دور ۾ ادارا آزاد آهن، آدمشماري لاءِ سڀئي لاڳاپيل ڌرين کي اعتماد ۾ ورتو ويندو. اليڪٽرانڪ ووٽنگ مشين چونڊ عمل ۾ شفافيت آڻيندي. هن اهڙن خيالن جو اظهار متحده قومي موومينٽ جي وفد سان ڳالهائيندي جنهن وزيراعظم سان ملاقات ڪئي.

وفد ۾ انفارميشن ٽيڪنالاجي وارو وزير سيد امين الحق، خالد مقبول صديقي ۽ سينيٽر فيصل سبزواري شامل هئا. ملاقات ۾ منصوبابندي وارو وفاقي وزير اسد عمر به موجود هو، ملاقات ۾ آدمشماري ۽ سنڌ ۾ جاري وفاقي حڪومت جي ترقياتي منصوبن تي خيالن جي ڏي وٺ ڪئي وئي. وفد وفاقي حڪومت جي ڪراچي ۾ پبلڪ ٽرانسپورٽ ۽ انفرااسٽرڪچر جي بهتري لاءِ منصوبن تي وزيراعظم کي خراج تحسين پيش ڪيو ۽ چيو ته حڪومت ۽ اتحادي پارٽيون گڏجي سنڌ ۽ خاص طور ڪراچي جي ترقي لاءِ موثر ڪردار ادا ڪري رهيُون آهن.

وزيراعظم چيو ته موجوده حڪومت جي دور ۾ ادارا آزاد آهن، آدمشماري لاءِ سڀني لاڳاپيل ڌرين کي اعتماد ۾ ورتو ويندو. اليڪٽرانڪ ووٽنگ مشين چونڊ عمل ۾ شفافيت آڻيندي، پاڪستان ۾ اليڪٽرانڪ ووٽنگ مشين جي چونڊ عمل تي مثبت اثرن جي باري ۾ آگاهي ڏيڻ جي ضرورت آهي.

مضمون کا ماخذ : estratégias para loteria

متعلقہ مضامین