وزیر اعظم عمران خان دا ہری پور اچ پاک آسٹریا فیکوچ شول انسٹیٹیوٹ آف اپلائیڈ سائنسز اینڈ ٹیکنالوجی دی افتتاحی تقریب توں خطاب

ملک کوں ترقی یافتہ بنڑاونڑ کیتے قائد اعظم دے وژن اتے علامہ اقبال دے خواب دی عملی تعبیر کیتے کوشاں اوں، ملکی ترقی کیتے سائنس اتے ٹیکنالوجی دے شعبے اچ اگوں ودھنڑ ویلھے دی لوڑھ اے ،خصوصی اقتصادی زون نال ملکی معیشت کوں ودھارا تھیسی ، تعلیم دی بہتری کیتے ودھ وسائل ڈیونڑ چاہندوں ، بد عنوان عناصر توں وصول کیتی گئی رقم تعلیم تے خرچ کرنڑ کیتے قانون سازی کریسوں ،وزیراعظم
ہری پور۔ 17ستمبر(اے پی پی) وزیر اعظم عمران خان آکھیے ملک کوں ترقی یافتہ بنڑاونڑ کیتے قائد اعظم دے وژن اتے علامہ اقبال دے خواب دی عملی تعبیر کیتے کوشاں اوں، ملکی ترقی کیتے سائنس اتے ٹیکنالوجی دے شعبے اچ اگوں ودھنڑ ویلھے دی لوڑھ اے ،خصوصی اقتصادی زون نال ملکی معیشت کوں ودھارا تھیسی ، تعلیم دی بہتری کیتے ودھ وسائل ڈیونڑ چاہندوں ، بد عنوان عناصر توں وصول کیتی گئی رقم تعلیم تے خرچ کرنڑ کیتے قانون سازی کریسوں۔اے گال انہاں خمیس کوں ہری پور اچ پاک آسٹریا فیکوچ شول انسٹیٹیوٹ آف اپلائیڈ سائنسز اینڈ ٹیکنالوجی دی افتتاحی تقریب نال خطاب کریندے ہوئیں آکھی اے ۔ وزیر اعظم عمران خان آکھیے جو انسان دا کم کوشش کرنڑ اے ، کامیابی اللہ دی ذات ڈیندی اے ۔ اساں وچ ہر شعبے اچ اگوں ودھنڑ دی صلاحیت اے اساکوں آپنڑی سوچ بہتر کرنڑیں ہوندی اے ۔ انہاں آکھیے جو ملک کوں ترقی یافتہ بنڑاونڑ کیتے قائد اعظم دے وژن تے علامہ اقبال دے خواب دی عملی تعبیر کیتے کوشاں ہوں۔ انہاں آکھیے اساکوں آپنڑے ذہناں کوں آزاد کریندے ہوئیں ترقی دا رستہ اپناونڑاں اے ۔ وزیر اعظم آکھیے جو ملکی ترقی کیتے سائنس اتے ٹیکنالوجی دے شعبے اچ اگوں ودھنڑ ویلھے دی لوڑھ اے ۔فیس بک ٹویٹر جیہاں وڈیاں کمپنیاں دے بجٹ اساڈے سالانہ بجٹ توں ارباں ڈالر ودھ ہن ۔ اساکوں سائنس، ٹیکنالوجی اتے نالج اکانومی تے توجہ ڈیونڑیں ہوسی ۔ایندے نال ملکی ترقی دا رستہ ہموار تھیسی ۔ انہاں آکھیے جو سی پیک دا ڈوجھا مرحلہ شروع تھی چکے ۔خیبر پختونخوا اچ رشکئی خصوصی اقتصادی زون دا افتتاح کر ڈتا گئے۔ خصوصی اقتصادی زون نال ملکی معیشت کوں ودھارا تھیسی ۔ انہاں آکھیے جو نینگر اساڈا اثاثہ ہن ۔ انسانی وسائل دی ترقی کیتے تعلیم تے خرچ کرنڑاں پوسی ۔انہاں آکھیے جو اقتدار اچ آونڑ توں پہلے سال معیشت کوں مستحکم کرنڑ تے توجہ ڈتی ، ڈوجھے سال کورونا وائرس دی وبا دی صورت حال دا سامنڑاں کرنڑاں پیا جیں پاروں تعلیمی شعبے تے توجہ نی ڈے سگیے ۔ ہنڑ قوم فیصلہ کرنڑاں اے جو اساں تعلیم تے توجہ مرکوز کرنڑیں اے ۔ انہاں آکھیے جو ایسٹ ریکوری یونٹ بدعنوان عناصر توں ریکوری کریندے ۔ اے وصول کیتی گی رقم تعلیم تے خرچ کرنر کیتے قانون سازی کریسوں ۔انہاں آکھیے چین پاکستان اچ 5تے آسٹریا ترائے یونیورسٹیاں قائم کیتن ۔ خیبر پختونخوا حکومت پاک آسٹریا فیکوچ شول انسٹیٹیوٹ آف اپلائیڈ سائنسز اینڈ ٹیکنالوجی دے قیام کیتے تعاون کیتے تے اوکھی صورت حال دے باوجود فنڈز ڈیونڑ اچ تعاون کیتا ۔وقت ثابت کریسی جو خیبر پختونخوا حکومت ساریں توں بہترین کم کیتا ۔ ایں یونیورسٹی دے قیام تے تعاون کرنڑ تے چین اتے آسٹریا داشکر گذار ہاں۔ اایندے نال مستقبل اچ ڈوہیں ملکاں وچال تعلقات مزید مستحکم تھیسن ۔

مضمون کا ماخذ : نتیجہ لوٹومینیا

متعلقہ مضامین