لاہور۔31مارچ(اے پی پی):وفاقی وزیر اطلاعات و نشریات عطا اللہ تارڑ ایسٹر تے مسیحی برادری کوں مبارک ݙیندے آکھیے جو مسیحی برادری ملک دی سلامتی، بقا اتے ترقی کیتے ودھ قربانیاں ݙتن، مسیحی برادری دے حقوق دا تحفظ یقینی ٻݨیسوں۔ اٹرنل لائف چرچ کوٹ لکھپت لاہور اچ ایسٹر دی تقریب نال الیندے انہاں آکھیا جو ایسٹر تے میسحی برادری دیاں خوشیاں اچ نال ہیں۔ ایں موقع تے پاسٹر انور فضل، پاسٹر شوکت فضل، سلیم شاکر، کاشف سجن اتے مسیحی برادری دی وڈی تعداد موجود ہئی۔ وفاقی وزیر اطلاعات عطا اللہ تارڑ آکھیے جو مسیحی برادری پاکستان ٻݨاوݨ اچ اہم کردار ادا کیتے اتے وݙیاں قربانیاں ݙتن۔ انہاں آکھیا جو سارے شہری برابر ہین، ایسٹر دا مقصد امن، برداشت، بھائی چارے اتے ہم آہنگی دا سنیہا ݙیوݨ اے، نفرتاں، تشدد اتے اختلافات مکاوݨ دی کوشش کرݨی ہوسی اتے رل تے ملکی ترقی کیتے کم کرݨا ہوسی۔ تقریب اچ وفاقی وزیر مسیحی عمائدین نال رل تے ایسٹر دا کیک وی کٹیے۔