اسلام آباد۔16مئی (اے پی پی) وزیراعظم شہباز شریف سابق وزیراعظم اتے چیئرمین پی ٹی آئی عمران خان کوں فول پروف سکیورٹی ݙیوݨ دی ہدایت کیتی اے ۔وزیراعظم آفس دے میڈیا ونگ توں جاری بیان موجب وزارت داخلہ دی طرفوں وزیراعظم کوں سابق وزیراعظم دی سکیورٹی دے حوالے نال تفصیلی بریفنگ ݙتی ڳئی ۔وزیراعظم شہباز وزیر داخلہ رانا ثناء اللہ کوں سابق وزیراعظم کوں ہر حوالے نال بہترین سکیورٹی ݙیوݨ دی ہدایت کیتی ۔وزیراعظم سابق وزیراعظم کوں وختی چیف سکیورٹی آفیسر ݙیوݨ دی وی ہدایت کیتی اے ۔وزیراعظم ساریاں صوبائی حکومتاں کوں وی چیئرمین پی ٹی آئی عمران خان کوں جلسے جلوساں دے دوران سکیورٹی ݙیوݨ دی ہدایت کیتی ۔