لاہور۔21جولائی(اے پی پی)پنجاب اسمبلی دے ضمنی انتخاب اچ کامیاب ارکان حلف چا ڳھدے۔ حلف چاوݨ آلیاں اچ پی ٹی آئی دے پندرہاں، مسلم لیگ نون دے 3 اتے ہک آزاد رکن شامل اے۔ ارکان جمعہ کوں وزیراعلی دے انتخاب اچ ووٹ ݙے سڳسن۔ اسپیکر پنجاب اسمبلی چوہدری پرویز الہی نویں ارکان توں حلف ڳھدے۔ پنجاب اسمبلی دے اسپیکر چوہدری پرویز الہی دی زیر صدارت اجلاس تھئے جیندے اچ پی ٹی آئی دے پندرہاں اراکین اسمبلی حلف چاتے۔ انہاں اچ مخدوم زادہ زین قریشی، حسن ملک، عرفان اللہ نیازی، میاں محمد اعظم، مہر محمد نواز بھروانہ، خرم شہزاد ورک، میاں اکرم عثمان، شبیر احمد گجر، ملک ظہیر عباس کھوکھر، محمد غلام سرور، عامر اقبال شاہ، محمد معظم، قیصر عباس خان اتے سردار سیف الدین کھوسہ شامل ہ۔ آزاد رکن پیر رفیع الدین وی حلف چاتے۔ مسلم لیگ (ن) دے نویں رکن اسمبلی پارٹی چیف ویپ طاہر خلیل سندھو نال ایوان اچ آئن اتے ایں موقع تے لیگی ارکان ملک اسد کھوکھر، سبطین رضا اتے فدا حسین حلف چاتے۔ ایجنڈا مکمل تھیوݨ تے اجلاس ملتوی کر ݙتا ڳئے۔