گلگت۔2ستمبر (اے پی پی):وزیراعظم دے مشیر امور کشمیر و گلگت بلتستان قمر زمان کائرہ آکھیے جو پاکستان اوکھے حالات توں گزردا پئے ،سیلاب پاروں ملک دا ادھ حصہ متاثر تھئے ،ہر متاثرہ خاندانِ کوں 25 ہزار روپے ݙتے ویندے پئن ، فوت تھیوݨ آلیں دے لواحقین کوں 10 لکھ روپے ݙتے ویندے پئن ۔ جمعہ کوں ھک تقریب توں خطاب کریندے ہوئیں انہاں آکھیے جو پاکستان اوکھے حالات توں گزردا پئے ۔ سیلاب پاروں ملک دا ادھ حصہ متاثر تھئے ۔وفاقی اتے صوبائی حکومتاں وختی بحالی کیتے بھرپور کوششاں کریندیاں پئن ، گلگت بلتستان اچ وی سیلابی صورتحال پاروں جانی تے مالی ضیان تھئے ۔ سیلاب پاروں سندھ تے بلوچستان اچ قیامت دا سماں اے۔قمر زمان کائرہ آکھیے جو سندھ اچ حد نگاہ تئیں پاݨی ہی پاݨی اے ۔ وزیراعظم پاکستان سیلاب توں تھیوݨ آلے ضیان دا جائزہ گھنݨ کیتے گلگت بلتستان دا دورہ کریندے پئن ۔