کاشتکاری کیتے ڈرپ اتے سپرے آبپاشی دے نظام نال پاݨی دے بحران توں بچیا ونڄ سڳدے، صدر مملکت ڈاکٹر عارف علوی

اسلام آباد۔7دسمبر (اے پی پی) صدر مملکت ڈاکٹر عارف علوی آکھیا جو پاکستان کوں پاݨٰی دی قلت دے ودھدے ہوئے بحران توں بچاوݨ کیتے زراعت اچ ڈرپ اتے سپرے اریگیشن سویں پاݨی دے ڳھٹ خرچے اتے سمارٹ طریقے کوں استعمال کرݨ دی لوڑھ اے۔ زرعی شعبہ ملک دا تقریباً 95 فیصد پاݨی استعمال کریندے جئیں کیتے پاݨی دے استعمال اچ بچت بارے فوری منصوبہ بندی اتے اصلاحات کیتی ونڄن۔ اے ڳالھیں انہاں بدھ کوں اسام آباد اچ تھیوݨ آلے ’موسمیاتی لحاظ نال لچکدار پاکستان اچ پاݨی اتے خوراک دے نظام کیتے تبدیلی دے رستے، دے موضوع تے بین الاقوامی کانفرنس توں ویڈیو لنک توں خطاب آکھی۔ کانفرنس دا اہتمام انٹرنیشنل واٹر مینجمنٹ انسٹی ٹیوٹ، پاکستان کونسل آف ریسرچ ان واٹر ریسورسز، وزارت نیشنل فوڈ سکیورٹی اینڈ ریسرچ، وزارت آبی وسائل، وزارت موسمیاتی تبدیلی اتے یونیسف کیتا جئیں اچ بین الاقوامی اتے مقامی آبی ماہرین شریک تھیے۔ ایں موقع تے ڈائریکٹر جنرل پاکستان کونسل آف ریسرچ ان واٹر ریسورسز ڈاکٹر حفضہ رشید، انٹرنیشنل واٹر مینجمنٹ انسٹی ٹیوٹ توں ڈاکٹر بنیود ہوماتوف اتے ڈاکٹر جوآن کارلوس سانچیز رامیرز، انٹرنیشنل فوڈ پالیسی ریسرچ انسٹی ٹیوٹ توں ڈاکٹر سٹیفن ڈیوس اتے آسٹریلین سنٹر فار انٹرنیشنل ایگریکلچرل ریسرچ توں ڈاکٹر نیل لازارو وی خطاب کیتا۔

مضمون کا ماخذ : ماہی گیری کا جنون

متعلقہ مضامین