لاہور ہائیکورٹ نشتر ہسپتال ملتان اچ لاشاں دی بے حرمتی دے خلاف تحقیقات کیتے دائر درخواست تے ملتان بینچ اچ کیس نبیڑ ݙتا

لاہور۔21اکتوبر(اے پی پی):چیف جسٹس لاہور ہائیکورٹ جسٹس محمد امیر بھٹی نشتر ہسپتال ملتان اچ لاشاں دی بے حرمتی دے خلاف اتے معاملے دی شفاف تحقیقات کیتے دائر درخواست تے درخواست گذار کوں ملتان بینچ اچ کیس دائر کرݨ دی ہدایت کریندے ہوئیں کیس نبیڑ ݙتے ۔ چیف جسٹس لاہور ہائیکورٹ جسٹس محمد امیر بھٹی مقامی وکیل سردار فرحت منظور دی دائر درخواست تے ابتدائی سماعت کیتی ۔عدالت آکھیے جو اے درخواست ملتان بینچ اچ دائر کیتی ونڄے ، عدالت درخواست گذار وکیل کوں ملتان بینچ اچ درخواست دائر کرݨ دی ہدایت کریندے ہوئیں کیس کوں نبیڑ ݙتے ۔عدالت دے سامݨے درخواست اچ موقف اختیار کیتا ڳیا ہئی جو نشتر ہسپتال اچ لاشاں دی بے حرمتی داقابل افسوس واقعہ پیش آئے ۔واقعہ انتظامی غفلت دا نتیجہ اے جیں کوں لکاوݨ دی کوشش کیتی ڳئی ، واقعہ توں مریضاں تے عام شہریاں دے جذبات مجروح تھئن ۔لاشوں دی بے حرمتی دا واقعہ ماورائے قانون تے غیر اخلاقی اقدام اے۔استدعا اے عدالت معاملے دی شفاف تحقیقات دا حکم ݙیندے ہوئیں ذمہ واراں دے خلاف کارروائی دا وی حکم ݙیوے ۔

مضمون کا ماخذ : فا فا فا ۔

متعلقہ مضامین