صدر مملکت ولوں بزرگ تریمت کوں جائیداد دا قبضہ واپس ݙواوݨ کیتے وفاقی محتسب برائے انسدادِ ہراسیت دا حکم برقرار ،انتظامیہ کوں فیصلے تے عمل کراوݨ دی ہدایت

اسلام آباد۔13جون (اے پی پی) صدر مملکت ڈاکٹر عارف علوی بزرگ تریمت کوں جائیداد دا قبضہ واپس ݙواوݨ کیتے وفاقی محتسب برائے انسدادِ ہراسیت دا حکم برقرار ،انتظامیہ کوں فیصلے تے عمل کراوݨ دی ہدایت کر ݙتی۔ اسلام آباد اچ تریمت شہری دی ݙاہ مرلے زمین تے قبضہ مافیا قبضہ کیتا ہئی۔ ایوان صدر دے پریس ونگ موجب شکایت کنندہ منور بی بی وفاقی محتسب برائے انسدادِ ہراسیت کوں جائیداد دے تحفظ ایکٹ دے تحت شکایت کیتی ہئی جو ملک عبدالمجید اتے جواد شوکت انہاں دی زمین تے غیر قانونی قبضہ کیتے۔ محتسب تریمت دے حق اچ حکم ݙتا ہئی۔ عبدالمجید وفاقی محتسب کوں نظرثانی دی درخواست کیتی جئیں کوں مسترد کر ݙتا ڳیا۔ بعد اچ عبدالمجید محتسب دے فیصلے دے خلاف صدر مملکت کوں اپیل کیتی۔ صدرمملکت عبدالمجید دی اپیل دیر نال دائر تھیوݨ دی بنیاد تے مسترد کر ݙتی اتے آکھیا جو اپیل حکوم موصولی دے 30 ݙینھ دے اندر دائر کرݨی چاہیدی اے۔

مضمون کا ماخذ : منی ٹرین 2

متعلقہ مضامین