لاہور۔4جولائی(اے پی پی):چیئرمین رویت ہلال کمیٹی مولانا عبدالخبیر آزاد آکھیے جو سویڈن اچ قرآن کریم دی بے حرمتی دی شدید الفاظ اچ مذمت کریندے ہیں۔لاہور اچ پریس کانفرنس کریندے عبدالخبیر آزاد آکھیے جو اڄ پورے ڄڳ دے مسلمان قرآن پاک دی بے حرمتی تے سراپا احتجاج ہین، قرآن کریم پوری انسانیت کیتے رشد و ہدایت دا ذریعہ اے، اسلام احترام انسانیت، اخوت و بھرا بھرپی سکھیندے، ڄڳ اچ وسݨ آلے ݙو ارب مسلمان رنجیدہ ہین۔ چیئرمین رویت ہلال کمیٹی مولانا عبدالخبیر آزاد آکھیے جو قرآن کریم دی توہین کہیں صورت برداشت نئیں کیتی ونڄ سڳدی، عالمی سطح تے قانون ٻݨݨا چاہیدے تاں جو اینڄھا جرم کرݨ آلے کوں سخت سزا ملے، اساں بین المذاہب و بین المسالک ہم آہنگی کوں اڳونہا کرݨے۔