مسئلہ کشمیر دا حل پاکستان دی خارجہ پالیسی دا اہم ستون اے، ،دفتر خارجہ

اسلام آباد ۔ 29 اگست (اے پی پی) ترجمان دفتر خارجہ ڈاکٹر محمد فیصل آکھیا جو مسئلہ کشمیر دا حل پاکستان دی خارجہ پالیسی دا اہم ستون اے،بھارت جو کجھ مرضی کرے کشمیر بارے حقائق نی بدل سگدے،کشمیر بارے پاکستان اپنڑے اصولی موقف تے قائم اے،بھارتی اقدامات بارے عالمی عدالت انصاف اچ ونجنڑ سانگے مشورہ جاری اے، پاکستان ،افغان امن عمل اچ سہولت کاری جاری رکھیسی۔خمیس کوں ہفتہ وار میڈیا بریفنگ اچ ترجمان دفتر خارجہ آکھیا جو مقبوضہ کشمیر دے گزریل 25ڈینھ توں دنیا توں منقطع اے اتے اتھاں کھاونڑ پیونڑ دی شہیں دی گھٹکی اے اتے بھارت مواصلات دے ذرائع کوں وی بند کر رکھیے۔مقبوضہ جموں تے کشمیر اچ مسلسل انسانی حقوق دی سنگین خلاف ورزیاں جاری ہن۔ترجمان آکھیا جو بھارت دی منافقت ہنڑ بے نقاب تھی گئی اے،پہلے آکھدے ہن جو کشمیر بین الاقوامی مسئلہ اے اتے ہنڑ آکھدے جو اے اندرونی معاملہ اے۔ترجمان آکھیا جو کشمیر ہک متنازعہ علاقہ اے اتے پاکستان اپنڑے اصولی موقف تے قائم اے۔

مضمون کا ماخذ : سپرمین: فلم

متعلقہ مضامین